Ano ang gamot sa Bulok na Ngipin?

Ang tamang gamot para sa isang bulok na ngipin ay ang pagkonsulta sa isang propesyonal na dentista. Kapag ang ngipin ay bulok na o may malalim na butas (tooth decay), ang pinakamahusay na hakbang ay ang magpatingin sa isang dentista upang mapag-aralan ang kalagayan ng ngipin at magbigay ng tamang rekomendasyon para sa tamang gamutan.

Nangyayari ang pagkakaroon ng bulok na ngipin dahil sa mga bacteria natin na kinakain ang enamel ng ngipin. Kapag masyado kasing madaming tartar ang ngipin (bacteria) nauubos ang matigas na bahagi ng ngipin natin hanggap umabot ang mga bacteria sa nerves na. Dito ay nagmumultiply sila at kapag nabulok ang ngipin naglalabas ito ng masangsang na amoy.

Table of Contents

Mga dahilan ng Pagdami ng Plague o Tartar sa Ngipin

–Pagkahilig sa matatamis na Pagkain. Ang matatamis na pagkain gaya ng tsokolate, gatas o anumang madikit sa ngipin natin ay nagpapadami sa mga bacteria. Kapag nagsama sama sila tumitigas at naguumpisa ang tartar

-Hindi pagsisipilyo ng regular. Ang mga build up na ito sa ngipin ay lalong dumadami at nagsimula nilang kainin ang ngipin natin. Kapag hindi nililinis ang ngipin kada pagkatapos kumain dumadami sila.

-Kulang sa paginom ng tubig. Ang dry na bibig ay gustong gusto ng mga bacteria dahil madali silang mag multiply at magsurvice sa bibig.

-Acidic na mga pagkain or acid reflux. Nakakasira ng ngipin ang acidic na mga pagkain dahil corrosive ang mga substance na ito.

Mga Pwedeng gawin sa bulok na ngipin

Dental Filling

Kung ang butas sa ngipin ay hindi pa masyadong malalim, maaaring magamot ito sa pamamagitan ng dental filling. Sa prosesong ito, tinatanggal ang bahagi ng ngipin na apektado ng butas at pinalitan ito ng dental material tulad ng composite resin o silver amalgam.

Dental Crown

Kapag ang butas sa ngipin ay malalim na o may malalang pagkasira, maaring isang dental crown ang inirerekomenda. Ito ay isang artificial na tuktok ng ngipin na nilalagay sa ibabaw nito upang mapanatili ang hitsura at kalusugan ng ngipin. Ito ay karaniwang ginagamit kung ang ngipin ay hindi na kayang mapanatili ng isang simple na dental filling.

Root Canal Treatment

Kung ang butas sa ngipin ay malalim na nakakaapekto na sa ugat at pulp ng ngipin, maaaring irekomenda ng dentista ang root canal treatment. Sa prosesong ito, tinatanggal ang nasirang pulp at ugat ng ngipin, at inaalis ang mga bacteria. Pagkatapos, ang ngipin ay pinupuno at tinatakpan para mapanatili ang bisa nito.

Extraction o pagbunot sa ngipin

Sa mga kaso na ang ngipin ay labis nang nasira at hindi na maaring malunasan, ang dentista ay maaaring magrekomenda ng extraction o pagtanggal ng ngipin. Ito ay upang maiwasan ang pagkalat ng impeksyon at ang mga problema na maaaring idulot ng isang bulok na ngipin.

Paano makaiwas sa bulok na ngipin?

-Regular na pagsipilyo (2 – 3x a day) ayon sa Gamotsabata.com

-Iwasan ang palagiang pagkain ng matatamis o acidic

-Gamutin ang sakit sa acid reflux

-Pag gamit ng dental floss para matanggal ang mga tinga sa ngipin

-Regular na pagbisita sa dental clinic of scaling (2x a year)

Conclusion

Mahalaga na huwag balewalain ang problema ng bulok na ngipin, dahil ito ay maaaring magdulot ng mas malubhang problema at pamamaga sa iba pang bahagi ng katawan. Agad na magpatingin sa isang dentista para sa tamang gamutan at payo upang mapanatili ang kalusugan ng ngipin at buong katawan.